dô teilte diu küneginne golt und ouch gewant,
silber und gesteine: swaß si des über Rîn
mit ir zen Hiunen brâhte, daß muose gar zergeben sîn.
Ouch wurden ir mit dienste sider undertân 1325
al des küneges mâge und alle sîne man,
daß diu vrouwe Helche nie so gewalteclîch gebôt,
sô si ir muosen dienen unz an den Kriemhilde tôt.
Dô stuont mit solhen êren der hof und ouch daß lant, 1326
daß man dâ zallen zîten die kurzwîle vant,
swar nâch ieglîchem daß herze truoc den muot,