daß mich die sô selten ruochent hie gesehen:
ich hœre, mîn die liute niuwan vür ellende jehen.‘
Dô sprach der künic Etzel: ‚vil liebiu vrouwe mîn, A.1344
diuht eß si niht ze verre, sô lüede ich über Rîn,
swelhe ir dâ gerne sæhet, her in mîniu lant.‘
des vreute sich diu vrouwe, dô si den willen sîn ervant.
(Si sprach:) ‚welt ir mir triuwe leisten, hêrre mîn, 1345
sô sult ir boten senden ze Wormeß über Rîn.
so enbiute ich mînen vriunden, des ich dâ habe muot:
sô kumt uns her ze lande vil manec edel rîter guot.‘