si solden boten werden in Burgunden lant.
dô hieß er in bereiten harte hêrlîch gewant.
Vier und zweinzec recken bereite man dô kleit. A.1349
ouch wart in von dem künege diu botschaft geseit,
wie si dar laden solden Gunther und sîne man.
Kriemhilt diu vrouwe si sunder sprechen began.
Dô sprach der künic rîche: ‚ich sag iu, wie ir tuot: 1350
ich enbiute mînen vriunden lieb und alleß guot,
daß si geruochen rîten her in mîniu lant.
ich hân sô lieber geste harte wênec noch bekant.