‚Bitet, daß si leisten, swaß in der künec enbôt, 1356
und mich dâ mite scheiden von aller mîner nôt.
die Hiunen wellent wænen, deich âne vriunde sî.
ob ich ein rîter hieße, ich kœme in etwenne bî.
‚Und saget ouch Gêrnôte, dem edelen bruoder mîn, 1357
daß im zer werlde niemen holder müge sîn.
bitet, daß er mir bringe her in ditze lant
unser besten vriunde, deiß uns zen êren sî gewant.
‚Sô saget ouch Gîselhere, daß er gedenke dran, A.1358
daß ich von sînen schulden nie leides niht gewan: