si vreuten sich der verte, dô wir schieden von dan.‘
‚Genâde sîner dienste, die er mir enboten hât, A.1383
unde mîner swester, sît eß alsô stât,
daß si lebent mit vreuden, der künec und sîne man,
wande ich doch der mære gevrâget sorgende hân.‘
Die zwêne jungen künege die wâren ouch nu komen: A.1384
si heten disiu mære alrêste dô vernomen.
durch sîner swester liebe die boten gerne sach
Gîselher der junge zuo zin dô minneclîchen sprach:
‚Ir boten sult uns grôße willekomen sîn; 1385