daß ir geruochet rîten zuo zin in Etzelen lant.
‚Eß sol ouch mit iu rîten der hêrre Gêrnôt. A.1388
Etzel der rîche iu allen daß enbôt,
ob ir iuch iuwer swester niht sehen woldet lân,
sô wolde er gerne wißßen, waß er iu hête getân,
‚Daß ir in alsô vremdet und ouch sîniu lant. A.1389
ob iu diu küneginne wær nie mêr bekant,
sô möhte er doch verdienen, daß ir in geruochet sehen:
swenne daß ergienge, sô wær im liebe geschehen.‘
Dô sprach der künic Gunther: ‚über dise siben naht 1390