ûßer Sahsen lande, ein rîcher vürste hêr,

und ouch von Tenemarke der künic Liudgast.

die brâhten in ir reise vil manegen hêrlîchen gast.

Ir boten komen wâren in Guntheres lant, 140

die sîne vîende heten dar gesant.

dô vrâgte man der mære die unkunden man.

man hieß die boten balde ze hove vür den künic gân.

Der künec si gruoßte schône, er sprach: ‚sît willekomen! 141

wer iuch her habe gesendet, desn hân ich niht vernomen:

daß sult ir lâßen hœren‘, sprach der künic guot.