ouch wart in rîchiu gâbe von sînen vriunden getân.
Gîselher und Gêrnôt, Gêre und Ortwîn, A.1428
daß si ouch milte wâren, daß tâten si wol schîn.
alsô rîche gâbe si die boten buten an,
daß sis vor ir hêrren niht getorsten enphân.
Dô sprach zuo dem künege der bote Werbelîn: A.1429
‚her künec, lât iuwer gâbe hie ze lande sîn.
wir mugen ir doch niht vüeren, mîn hêrre eß uns verbôt,
daß wir iht gâbe næmen: ouch ist es harte lützel nôt.‘
Dô wart der vogt von Rîne dâ von vil ungemuot, A.1430