si hôrten hüeve klaffen; dem liute was sô gâch.
dô sprach der küene Dancwart: ‚man wil uns hie bestân:
nu binden ûf die helme: daß ist rætlîch getân.‘
Si hielten ab ir verte, als eß muose sîn. A.1542
si sâhen in der vinster der liehten schilde schîn.
dône wolde Hagene niht langer si verdagen:
‚wer jagt uns ûf der strâße?‘ daß muos im Gelphrât dô sagen.
Dô sprach der marcgrâve ûßer Beier lant: A.1543
‚wir suochen unser vînde und haben her nâch gerant.
ich enweiß niht, wer mir hiute mînen vergen sluoc.