dô hôrt man nâch hellen die vreislîchen slege:
dô jagten die von Troneje ir vîenden nâch;
die es niht enkelten wânden, den was allen ze gâch.
Dô sprach an ir vlühte Dancwart der degen: A.1557
‚wir suln wider wenden balde ûf disen wegen,
und lâße wir si rîten: si sint von bluote naß.
gâhen wir zen vriunden: in triuwen rât ich iu daß.‘
Dô si hin wider kômen, da der schade was geschehen, A.1558
dô sprach von Tronje Hagene: ‚helde, ir sult besehen,
wes uns hie gebreste oder wen wir hân verlorn