dô tete dem ingesinde diu müede harte wê.
‚wie lange sul wir rîten?‘ des vrâget manec man.
dô sprach der küene Dancwart: ‚wir mugen niht herbergen hân.
‚Ir müeßet alle rîten, unz eß werde tac.‘ A.1562
Volkêr der snelle, der des gesindes phlac,
bat den marschalc vrâgen: ‚wâ sul wir hînte sîn,
da gerasten unser mære und ouch die lieben hêrren mîn?‘
Dô sprach der küene Dancwart: ‚ich enkans iu niht gesagen: A.1563
wir mugen niht geruowen, endß beginne tagen;
swâ wirß danne vinden, dâ legen uns an ein gras.‘