ouwê, hêrre Rüedegêr, wie hân ich wider dich getân.‘
Wol hôrte Hagene des edelen recken nôt: 1574
er gab im wider sîn wâfen und sehs bouge rôt.
‚die habe dir, helt, ze minnen, daß du mîn vriunt sîst;
du bist ein degen küene, wie eine du hie gelîst.‘
‚Got lône iu iuwer bouge,‘ sprach dô Eckewart; 1575
‚doch riuwet mich vil sêre zen Hiunen iuwer vart.
ir sluoget Sîvriden; man ist iu hie gehaß:
daß ir iuch wol hüetet, in triuwen rât ich iu daß.‘
‚Nu müeße uns Got behüeten,‘ sprach dô Hagene. 1576