diu lieben mære, diu er hete vernomen,
daß in ir vrouwen bruoder dar ze hûse solden komen.
‚Vil liebe triutinne,‘ sprach dô Rüedegêr, 1591
‚ir sult vil wol enphâhen die edelen künege hêr,
sô si mit ir gesinde her ze hove gân.
ir sult ouch schône grüeßen Hagenen Guntheres man.
‚Mit in kumt ouch einer, der heißet Dancwart; 1592
der ander heißet Volkêr, an zühten wol bewart.
die sehse sult ir küssen und diu tohter mîn
und sult ouch bî den recken in zühten güetlîchen sîn.‘