an meide und an vrouwen: der saß dâ genuoc.

der edele videlære dem wirte holden willen truoc.

Nâch gewonheite sô schieden si sich dâ: 1610

rîter unde vrouwen die giengen anderswâ.

dô rihte man die tische in dem sale wît;

den unkunden gesten man diende willeclîche sît.

Durch der geste liebe hin ze tische gie 1611

diu edele marcgrâvinne; ir tohter si dô lie

belîben bî den kinden, dâ si von rehte saß.

die geste ir niht ensâhen: si muote wærlîchen daß.