er videlte süeße dœne und sanc ir sîniu liet:
dâ mit nam er urloup, dô er von Bechlâren schiet.
Ir hieß diu marcgrâvinne eine lade tragen, 1644
von vriuntlîcher gâbe muget ir hœren sagen:
dar ûß nam si zwelf bouge und spien ims an die hant:
‚die sult ir hinnen vüeren in daß Etzelen lant
‚Und sult durch mînen willen si ze hove tragen: 1645
swenne ir wider wendet, daß man mir müge sagen,
wie ir mir habet gedienet dâ ze der hôhzît.‘
des diu vrouwe gerte, vil wol leistete er daß sît.