‚du solt si wol enphâhen, Kriemhilt, vrouwe mîn:
dir koment nâch grôßen êren die vil lieben bruoder dîn.‘
Dô diu küneginne vernam diu mære, C.1654
ir begunde entwîchen ein teil ir swære:
von ir vater lande kom ir vil manec man,
dâ von der künic Etzel vil manegen jâmer sît gewan.
‚Nu wol mich mîner vreuden,‘ sô sprach Kriemhilt. 1655
‚hie bringent mîne mâge vil manegen niuwen schilt
und halsperge wîße: swer nemen welle golt,
der denke mîner leide: ich wil im immer wesen holt.‘