ich biut mich iu ze vüeßen,‘ sprach des küneges wîp:
‚rechet mich an Hagenen, daß er verliese den lîp.‘
Dô garten sich vil balde sehzec küener man: 1704
durch Kriemhilde willen si wolden hin gân
und wolden slahen Hagenen, den vil küenen man,
und ouch den videlære. daß wart mit râte getân.
Dô diu küneginne ir schar sô kleine sach, A.1705
in einem grimmen muote si ze den helden sprach:
‚des ir dâ habet gedinge, des sult ir abe gân:
ja endurfet ir sô ringe Hagenen nimmer bestân.