‚Nu schouwet, vriunt Hagene, wâ si dort here gât, 1711
diu uns âne triuwe inß lant geladet hât.
in gesach mit küneges wîbe nie sô manegen man,
die swert enhende trüegen, alsô strîtlîchen gân.
‚Wißßet ir, vriunt Hagene, ob si iu sîn gehaß? 1712
sô wil ich iu daß râten, ir hüetet deste baß
des lîbes und der êren; jâ dunket eß mich guot.
als ich mich versinne, si sint vil zornec gemuot,
‚Und sint ouch sumelîche zen brusten alsô wît, 1713
swer sîn selbes hüeten wil, der tuo daß enzît.