‚Ich hilfe iu sicherlîchen,‘ sô sprach der spilman. 1716
‚ob ich uns hie engegene sæhe den künic gân
mit allen sînen recken, die wîle ich leben muoß,
so entwîche ich iu durch vorhte ûß helfe nimmer einen vuoß.‘
‚Nu lôn iu Got von himele, vil edel Volkêr. 1717
ob si mit mir strîten, wes bedarf ich danne mêr?
sît ir mir helfen wellet, als ich hân vernomen,
sô suln dise recken vil gewerlîchen komen.‘
‚Nu stê wir von dem sedele,‘ sprach der spilman: 1718
‚si ist ein küneginne: und lât si vür gân.