Der übermüete Hagene leit über sîniu bein 1721
ein vil liehteß wâfen, ûß des knophe schein
ein vil liehter jaspis grüener denne ein gras.
wol erkande eß Kriemhilt, daß eß Sîvrides was.
Dô si daß swert erkande, dô gie ir trûrens nôt. 1722
daß gehilz was guldîn, diu scheide ein borte rôt,
eß mande si ir leide: weinen si began;
ich wæne, eß hete dar umbe der küene Hagne getân.
Volkêr der snelle zôch nâher ûf der banc 1723
einen videlbogen starken, michel unde lanc,