uns zimt disiu sorge ensamt ze tragene.
ich sihe gewâfent liute vor dem hûse stên:
als ich mich versinne, ich wæne, si wellent uns bestên.‘
‚Nu swîget,‘ sprach dô Hagene, ‚lât si her nâher baß. 1777
ê si unser werden innen, sô wirt hie helmevaß
verrucket mit den swerten von unser zweier hant:
si werdent Kriemhilde hin wider übele gesant.‘
Ein der Hiunen recken vil schiere daß gesach, 1778
diu tür was behüetet: wie balde er dô sprach:
‚des wir dâ heten willen, jane mag es niht ergân: