ûf den hof vil wîten kom vil manec man.
Etzel unde Kriemhilt daß selbe schouwen began.
Ûf den buhurt kômen sehs hundert degene, 1811
Dietrîches recken, den gesten zegegene.
si wolden kurzwîle mit den Burgunden hân:
het er ins gegunnen, si hetenß gerne getân.
Hei, waß guoter recken in dâ nâch reit! 1812
dem hêrren Dietrîche wart daß geseit.
mit Guntheres mannen daß spil er in verbôt.
er vorhte sîner manne: des gie im sicherlîchen nôt.