Si gedâht in ir muote, als eß was nâch geschehen: C.
‚geschæhe iemen leide, sô möhte ich mich versehen,
daß eß erhaben würde: an den vînden mîn
wurde ich wol errochen, des wolde ich gar ân angest sîn.‘
Schrûtân unde Gibeke ûf den buhurt riten, 1818
Râmunc und Hornboge, nâch Hiunischen siten.
si hielten gein den helden von Burgunden lant.
die schefte dræten hôhe über des küneges sales want.
Swes dâ iemen phlæge, sô was eß niuwan schal. B.
man hôrte von schilde stœßen palas unde sal