dô was daß ingesinde von bluote rôt unde naß.
Disiu starken mære wurden dan geseit 1870
Etzelen recken: eß was in grimme leit,
daß erslagen wære Blœdel und sîne man;
daß hete Hagenen bruoder mit den knehten getân.
Ê eß der künec ervünde, die Hiunen durch ir haß, 1871
der garten sich zwei tûsent oder dannoch baß.
si giengen zuo den knehten, daß muos et alsô wesen,
und ließen des gesindes ninder einen genesen.
Die ungetriuwen brâhten vürß hûs ein michel her. 1872