ich kan iuch wol geleiten in Liudgêres schar.
sô sehet ir helme houwen von guoter helde hant.
ê daß wir wider wenden, in wirdet sorge bekant.‘
Zen rossen gâhte Gêrnôt und die sîne man. A.195
den vanen zucte balde der küene spilman,
Volkêr der hêrre: dô reit er vor der schar.
dô was ouch daß gesinde ze strîte êrlîchen gar.
Si vuorten doch niht mêre niuwan tûsent man, 196
dar über zwelf recken. stieben dô began
diu molte von den strâßen: si riten über lant.