er sprach: ‚Dietrîches stimme ist in mîn ôre komen.
ich wæne, im unser degene haben etwen benomen.
‚Ich sich in ûf dem tische winken mit der hant. A.1926
vriunt unde mâge von Burgunden lant,
habet ûf des strîtes, lât hœren unde sehen,
waß hie Dietrîche von uns ze schaden sî geschehen.‘
Dô der künic Gunther bat und ouch gebôt, A.1927
si habten ûf mit swerten in des strîtes nôt.
daß was gewalt vil grôßer, daß dâ niemen sluoc.
er vrâgte den von Berne der mære schiere genuoc.