die strîtküenen Sahsen tâten schaden ouch genuoc.
Dô die von Burgunden drungen in den strît, 202
von in wart erhouwen vil manec wunde wît:
dô sach man über satele vließen daß bluot;
sus wurben nâch den êren die rîter küene unde guot.
Man hôrt dâ lût erhellen den helden an der hant 203
diu vil scharphen wâsen, dô die von Niderlant
drungen nâch ir hêrren in die herten schar;
si kômen degenlîche mit samt Sîvride dar.
Volgen der von Rîne niemen man im sach. 204