durch deheine vorhte wil ichs abe gân:
swie griulîch nu sî Hagene, ich wil in eine bestân.‘
Ze vüeßen bôt sich Îrinc mâgen unde man, 1972
daß si in eine ließen den recken bestân.
daß tâten si ungerne, wan in was wol bekant
der übermüete Hagene ûßer Burgunden lant.
Doch bat er si sô lange, daß eß sît geschach. A.1973
dô daß ingesinde den sînen willen sach,
daß er warp nâch êren, dô ließens in gân.
des wart von in beiden ein grimmeß strîten getân.