Dô sach man Rüedegêre under helme gân. 2107
eß truogen swert diu scharphen des marcgrâven man,
dar zuo vor ir handen die liehte schilde breit.
daß sach der videlære: eß was im grœßlîchen leit.
Dô sach der junge Gîselher sînen sweher gên 2108
mit ûf gebundem helme. wie moht er dô verstên,
waß er dâ mite meinte niuwan alleß guot?
des wart der künic edele sô rehte vrœlîch gemuot.
‚Nu wol mich solher vriunde!‘ sprach Gîselher der degen, 2109
‚die wir hân gewunnen nu ûf disen wegen.