des reis ir schiltsteine nider in daß bluot:
si vâhten alsô grimme, daß manß nimmer mê getuot.
Der vogt von Bechelâren gie wider unde dan, 2150
alsô der mit ellen in sturme werben kan.
dem tet des tages Rüedegêr harte wol gelîch,
daß er ein recke wære vil küene unde lobelîch.
Hie stuonden dise recken, Gunther und Gêrnôt, A.2151
si sluogen in dem strîte vil manegen helt tôt.
Gîselher und Dancwart die zwêne eß ringe wac:
des vrumten si vil manegen hinz ûf den jungisten tac.