Die Rüedegêres gâbe an hende er hôhe erwac: 2157
swie wunt er wær zem tôde, er sluog im einen slac
durch den schilt vil guoten unz ûf diu helmgespan:
dâ von muose ersterben dô der Gotlinden man.
Jane wart nie wirs gelônet sô rîcher gâbe mêr. 2158
dô vielen beide erslagene, Gêrnôt und Rüedegêr,
gelîch in dem sturme von ir beider hant.
alrêst erzurnde Hagene, dô er den grôßen schaden bevant.
Dô sprach der helt von Troneje: ‚eß ist uns übel komen. 2159
wir haben an in beiden sô grôßen schaden genomen,