durch disiu starken mære wie balde er gâhen began!
Dô sprach er zuo dem vürsten: ‚hœrt, mîn hêr Dietrîch. 2173
swaß ich noch her gelebet hân, sô rehte unmügelîch
gehôrte ich klage nie mêre, als ich nu hân vernomen.
ich wæne, der künic selbe ist zuo der hôhgezîte komen.
‚Wie mehtens anders alle haben solhe nôt? 2174
der künic oder Kriemhilt, ir eineß daß ist tôt
von den küenen gesten durch ir nît gelegen.
eß weinet ungevuoge vil manec ûßerwelter degen.‘
Dô sprach der vogt von Berne: ‚mîne vil liebe man, 2175