do enkunde Helfrîche nimmer leider wesen.
jâ sagte er sîniu mære sô rehte ungerne nie.
der bote dô hin widere vil sêre weinende gie.
‚Waß habt ir uns ervunden?‘ sprach dô Dietrîch: 2181
‚wie weinet ir sô sêre, degen Helferîch?‘
dô sprach der edel recke: ‚ich mac wol balde klagen:
den guoten Rüedegêre hânt die Burgunde erslagen.‘
Dô sprach der helt von Berne: ‚desn sol niht wellen Got. 2182
daß wær ein starkiu râche und ouch des tievels spot.
wâ mit hete Rüedegêr an in daß versolt?