sô rehte vîentlîche die Dietrîches man,
gewâfent under helme: si wellent uns bestân.
ich wæne, eß an daß übele uns ellenden welle gân.‘
In den selben zîten kom ouch Hildebrant. 2191
dô satzter vür die vüeße sînes schiltes rant.
er begunde vrâgen die Guntheres man:
‚ouwê, ir guote helde, waß hete iu Rüedegêr getân?
‚Mich hât mîn hêrre Dieterîch her zuo iu gesant: 2192
ob erslagen hête iuwer deheines hant
den edelen marcgrâven, als uns daß ist geseit?