daß si vor allen schanden ir êre kunden bewarn.

‚Man sach dâ von ir handen vil manegen satel blôß, A.232

dâ von liehten swerten daß velt sô lûte erdôß.

die recken von dem Rîne die habent sô geriten,

daß eß ir vîenden wære beßßer vermiten.

‚Die küenen Tronejære die vrumten grôßiu leit, A.233

dô mit volkes kreften daß her ze samne reit.

dâ vrumte manegen tôten des küenen Hagnen hant,

des vil ze sagene wære her in Burgunden lant.

‚Sindolt und Hûnolt, die Gêrnôtes man, A.234