Nota. wo die trew stet, daz suͤllen die korschuler halten bey der trew vnd suͤllen die andern stuck sust halten, wer daz vͦber vert[71] vnd nicht helt, den sol der probst pfenden oder peuchen.[72] Aber[73] der custer vnd der pfleger mugen sie dor vͤmb verkeren.
Wenn ein korschuler seumig ist an der leczen[74] on dez schulmeisters vͦrlaub, den sol der schulmeister ie als off peuchen.
Der schulmeister vnd der probst suͤllen die korschuler dor zu halten, daz sie stille sein, sunderlich ob dem tisch, daz sie allwegen sweigen.
Der schulmaister vnd der probst suͤllen auf den leser merken, der zu tisch list, daz er oͤrdenlich lese vnd niht valsch vnd wenn der schulmeister spricht: Tu autem, so sol der leser aufhoͤren.
Die korschuler suͤllen daz gracias sprechen mit dem schulmeister.
Item so gibt man den korschulern zwu suppen von inuencio sancte crucis vncz auf exaltacio sancte crucis, ein vor tisch, die andern nach tisch. vnd die andern zeit im jar newr ain suppen vor tisch. vnd man gibt in allweg zu einer suppen einen firdung[75] smalcz vnd sechs spital prot. [spätere Nachschrift. In der vasten gibt man in kein suppen....]
Item so mag der spitalmeister den korschulern einen cleinen knaben halten ob er wil, oder er mag in niht halten, wenn er aber einen knaben halten wil, der sol einhaiczzen vnd tun wez not ist, als in ein pfleger heizt oder der kornschreiber vnd der kelner. Er sol auch allweg die orgeln treten.
Nota. Wenn der spitalmeister ein cleinen knaben den korschulern halten wil, der izzet, waz den korschulern vͤber wirt,[76] dar zu gibt man im prot. Welchem korschuler er den pett,[77] der gibt im alle cottemmer drey pfenning. So liegt er pey dem ministriren oder wo in der spitalmaister heizzet ligen.
Item der korschuler sol dheiner vͤber velt niht gen on dez custos vnd des spitalmeisters vrlaup.
Item wenn ein korschuler ein vnzucht tet[78] ez wer zu pett oder zu tisch oder wo daz wer, so sol in der spitalmeister dor vͦmb heizzen peuchen. wer aber die vnzucht groz, so sol er im vrlaub geben.[79]