Rip. De olt fraw aw dode! Well, well, don is demnoch era tzung now aw in der eawich ruh! [ Pause. ] Un awer, se war evva doch my olty, un now, bin ich aw dode! Se war a wennich hord uf mich, awer weil se dode is will ich era now olles fergevva. Awer, now, sawg du—
Seth. Ich con nimmy lenger mich uf halta doh mit deer. De lection is about ferbei, un ich mus now de drinks uf setza for de boova.
Re-enter Villagers, shouting, R. H.
Seth. Doh, boova, was denkt er now fun dem olta ding doh? Ich geb ’n uf.
[ Exit into house.
2d. Vill. Bisht du ’n Democrawt odder ’n Republican?
Rip. De wohret tzu sawga, ich bin a wennich fermixd—
2d. Vill. Well, awer wass sin di politics?
Rip. Oh, my politics? Dort bin ich all recht—ich shtick so goot os amohl tzum kainich fum lond. Hurra for der Kainich George!
Villagers. ’N olter tory is ar! Weck wit ’m—mauch ’n dode—fersowf ’n im meel dom!