Wallas him self with Jhon off Lyn was met;885
At his coler a felloun straik he set;
Bathe helm and hed fra the schuldris he draiff;
Blayr our burd in the se kest the layff
Off his body; and all the remaynand
Entryt, and slew the brygandis at thai fand.890
The schip thai tuk, gret gold and othir ger
At thai reiffaris had gaderyt lang in wer;
Bot maister Blayr spak nothing off himsell,
In deid off armes quhat awentur he fell.