For erll Patrik had gyffyn hym sic consaill.
Wallace gat wit, and semblit power haill,
Fourty thousand on Roslyn mur thar met.
“Lordis,” he said, “thus is King Eduuard set,440
“In contrar rycht to sek ws in our land.
“I hecht to God, and to yow, be my hand,
“I sall him meit, for all his gret barnage,
“With in Ingland, to fend our heretage.
“His falss desyr sall on him selff be seyn;445
“He sall ws fynd in contrar off his eyn.