Palyce thai spylt, gret towris can confound;
Wrocht the Sotheroun mony werkand wound.
Wedowis wepyt with sorow in thar sang;
Madennys murnyt with gret menyng amang.
Thai sparyt nocht bot wemen and the kyrk.735
Thir worthy Scottis off laubour wald nocht yrk.
Abbayis gaiff thaim rycht largly to thair fud;
Till all kyrk man thai did no thing bot gud.
The temporall land thai spoulyeit at thair will,
Gud gardens gay, and orchartis gret thai spill.740