“That ye me luffyt, I awcht yow luff agayn.
“Thir wordis all ar no thing bot in wayn.
“Sic luff as that is nothing till awance,
“To tak a lak, and syne get no plesance.1410
“In spech off luff suttell ye Sotheroun ar;
“Ye can ws mok, supposs ye se no mar.”
‘In London,’ scho said, ‘for yow I sufferyt blaym;
‘Our consall als will lauch quhen we cum haym;
‘So may thai say, wemen ar ferss off thocht1415
‘To sek frendschip, and syne can get rycht nocht!’