To bruk that land thai did power and will.
A Scottis fyschar, quhilk thai had tayn beforn,
Contrar his will gert him be to thaim suorn.
In thar seruice thai held him day and nycht.
Befor the son Wallace gart Jop him dycht,1290
And send him furth the passage for to spy.
On that fyschar he hapnyt sodandly,
All him allayn, bot a boy that was thar;
Jop hynt hym son, and for no dreid wald spar,
Be the collar, and owt a knyff hynt he. 1295