DESCRIPTIO.
Caulis simplex, fruticosus, erectus, sesquipedalis; rami verticillati, raro ramulosi, erecti.
Folia quaterna, linearia, glabra, recta; seniora patentia, juniora erecta, subtus sulcata; petiolis brevissimis, adpressis.
Flores sub-pollicares, in summitate ramorum verticillati, penduli; pedunculi longissimi, bracteis tribus, minutis, remotis, instructi.
Calyx. Perianthium tetraphyllum, foliolis lato-ovatis., acutis, marginibus membranaceis, apicibus coloratis, adpressis.
Corolla ventricoso-cylindrica, apice attenuata, ad basin constricta, profunde purpurea; laciniis minutis, erectis, obtusis.
Stamina. Filamenta octo capillaria. Antheræ aristatæ;, inclusæ,
Pistillum. Germen turbinatum. Stylus filiformis, sub-inclusus. Stigma tetragonum.
Habitat ad Caput Bonæ Spei.
Floret a mense Julii in Novembrem.