CHARACTER SPECIFICUS.
Erica, antheris aristatis, sub-inclusis, corollis urceoli-formibus, albidis; foliis ternis, lato-ovatis, pubescentibus, subtus albidis.
DESCRIPTIO.
Caulis erectus, fruticosus, pedalis, ramosissimus; ramuli frequentissimi, verticillati.
Folia terna, patentia, lato-ovata, margine revoluta, subtus albida, petiolis brevissimis, adpressis.
Flores terminales, umbellati, cernui; pedunculi longi, bracteis tribus instructi.
Calyx. Perianthium tetraphyllum; foliolis spathulatis, seu basi attenuatis, apicibus ovatis, concavis, ciliatis.
Corolla albida, urceoli-formis, oris laciniis sub-reflexis.
Stamina. Filamenta octo capillaria; antheræ aristatæ, sub-inclusæ.
Pistillum. Germen cylindricum, sulcatum. Stylus filiformis, exsertus. Stigma tetragonum.