ERICA margaritacea.
CHARACTER SPECIFICUS.
Erica, antheris cristatis, inclusis; stylo exserto; corollis globoso campanulatis; floribus terminalibus, sub-umbellatis; foliis quaternis, lineari-trigonis, glabris, erectis.
DESCRIPTIO.
Caulis erectus, ramosus; ramuli frequentissimi, erecti, glabri.
Folia quaterna, lineari-trigona, erecta, subtus sulcata, glabra; petiolis brevissimis, adpressis.
Flores terminales, nutantes, sub-umbellati; pedunculi filiformes, bracteis tribus, linearibus instructi.
Calyx. Perianthium tetraphyllum, foliolis subulatis, carinatis, sulcatis, lævibus, adpressis.
Corolla urceolata, alba, calyce paulo longior; laciniæ limbi obtusæ, erecto-patulæ.