DESCRIPTIO.
Caulis erectus, sesquipedalis, scaber, ad basin parum ramosus. Ramuli sparsi.
Folia terna, obtusa, sub-tomentosa, subtus sulcata, petiolis brevissimis adpressis.
Flores in ramulis, bini vel terni, terminales, cernui, in medio ramorum racemum formantes speciosissimum; pedunculis brevibus, bracteis nullis.
Calyx. Perianthium duplex, coloratum; exterius triphyllum, foliolis lato-ovatis, apicibus virescentibus; interius tetraphyllum, foliolis latioribus majoribus.
Corolla conica, sub-pollicaris, glabra, sanguinea; oris laciniis erectis.
Stamina. Filamenta octo plana, corolla multoties longiora, receptaculo inserta; antheris muticis, exsertis, attenuatis in filamenta.
Pistillum. Germen ovatum, tenuissime sulcatum. Stylus filiformis. Stigma tetragonum.
Habitat ad Caput Bonæ Spei.
Floret a mense Augusti in Decembrem.