CHARACTER SPECIFICUS.
Erica, antheris aristatis, inclusis; corollis globosis, mucosis, fasciculatis, cernuo-patentibus, terminalibus; foliis quaternis.
DESCRIPTIO.
Caulis fruticosus, tripedalis, ad basin fere ramosus, ramis longis, virgatis, flexuosis.
Folia quaterna, subtriangularia, linearia, apice recurvata, obtusa, glaberrima, subtus sulcata; brevissimis petiolis instructa.
Flores plures, terminales, fasciculati, cernuo-patentes, mucosi, purpurei fulgenti; pedunculis longis, purpureis, 2 seu 3 bracteis, instructis.
Calyx. Perianthium tetraphyllum, foliolis ovatis, obtusis, erectis, corolla dimidio brevioribus.
Corolla globosa, limbo quadrilobo, laciniis semiorbiculatis, æqualibus, erectis.
Stamina. Filamenta octo capillaria, corolla breviora, receptaculo inserta. Antheræ aristatæ, inclusæ.
Pistillum. Germen subrotundum. Stylus filamentis crassior, erectus. Stigma tetragonum.