ERICA Muscari.
CHARACTER SPECIFICUS.
Erica, antheris muticis, inclusis; corollis oblongo-ovatis, obtuse tetragonis; foliis quaternis.
DESCRIPTIO.
Caulis fruticosus, sesquipedalis, teres, basi simplicissimus, dein ramosus.
Folia quaterna, linearia, acuta, erecto-patentia, glaberrima, nitida, dilute viridia, petiolis brevissimis ramis adpressis.
Flores luteoli, suaviter olentes, sæpius quaterni, terminales; pedunculis brevissimis.
Calyx. Perianthium duplex; interius tetraphyllum, foliolis erectis, ovatis, carinatis; exterius triphyllum, priori incumbens.
Corolla oblongo-ovata, obtuse tetragona, summa parte arctata, limbo quadrilobo, laciniis æqualibus revolutis.