Folia sparsa, sæpe vero quaterna, linearia, arcuata, margine glanduloso-denticulata, glabra, truncata, petiolis tenuissimis.
Flores numerosi, sub apice ramorum umbellati; pedunculi flore triplo longiores, colorati, viscidi, bracteis tribus linearibus instructi.
Calyx. Perianthium tetraphyllum; foliolis minutis, linearibus, viscosis, adpressis.
Corolla sub-globosa, purpurea, magnitudine pisi; laciniis limbi maximis, erectis.
Stamina. Filamenta octo, plana, linearia, apice incurvata; antheræ ad basin bicornutæ, inclusæ.
Pistillum. Germen tiarae-forme, sulcatum; glandulæ octo ad basin germinis; stylus cylindricus, sub-exsertus; stigma tetragonum.
Habitat ad Caput Bonæ Spei.
Floret a mense Augusti in Decembrem.
REFERENTIA.
| 1. Folium lente auctum. |
| 2. Flos. |
| 3. Calyx lente auctus. |
| 4. Stamina et Pistillum. |
| 5. Stamina a Pistillo diducta, lente aucta. |
| 6. Pistillum lente auctum. |