DESCRIPTIO.
Caulis fruticosus, ramosus, pilosus; rami et ramuli pilosi, filiformes, virgati.
Folia quaterna, sæpe terna, obtusa, villosa, incurva, arcuata, subtus sulcata; petiolis brevissimis adpressis.
Flores in ramulis terminales, umbellati, bini, terni, vel plures, copiosi, purpurei; pedunculi capillares, bracteis tribus, hirsutis, instructi.
Calyx. Perianthium tetraphyllum, foliolis pilosis, rufescentibus, subulatis, apicibus coloratis, obtusis.
Corolla, ovata, obtusa, villosa; oris laciniis minutis, erectis.
Stamina. Filamenta octo capillaria. Antheræ aristatæ, inclusæ.
Pistillum. Germen ovatum, ad basin glandulosum. Stylus filiformis, purpureus. Stigma ad basin peltatum, apice tetragonum.
Habitat ad Caput Bonæ Spei.
Floret a mensi Augusti, in Februarium.